الدهب كان طول عمره ملاذ آمن تقدر تحمي من خلاله ثروتك سواء كانت كبيرة أو صغيرة والتاريخ شاهد على قيمة الدهب اللي ما بتتأثرش بقيمة العملة بل العكس وده بيخلي الدهب وعاء آمن تمامًا للتحويش وساعات كتير الاستثمار كمان وديه خمس أسباب يخلوك تحوش دهب حتى لو ثروتك على القد.
أولًا، الناس اللي زي حالاتنا وظروفهم المادية بتتغير كتير عادة مابيكونش عندهم مدخرات كبيرة أو استثمارات (Financial Cushions) تقدر تمتص التغيرات السريعة اللي بتحصل في حالة لا قدر الله صدمة اقتصادية زي ارتفاع في الأسعار أو فقدان لوظيفة أو تضخم وده بيخلي قدرتهم على الشراء ومواكبة التغيرات الاقتصادية أقل، فالدهب حتى ولو بمقيمة قليلة يقدر يوفرلك أمان ضد الأزمات ديه.
ثانيًا، لو فلوسك على القد يبقى غالبًا مش بتستثمر ويمكن سايب فلوسك في البنك أو اللي داخل على قد اللي طالع وغالبًا ما عندكش خبرة في الاستثمار وده بيخلي الخطوة نفسها أصعب، لكن التحويش في الدهب له طابع استثماري لأن التغير في قيمة العملة في خلال سنة أو سنتين بيضمنلك مكسب بدون خطر وده بيخلي الدهب حل آمن للاستثمار بقيمة محدودة على فترات طويلة.
ثالثًا، لو ظروفك المادية مش أحسن حاجة يبقى غالبًا بتعتمد على الديون أكتر زي كروت الاتمان أو القروض عشان تقدر تغطي احتياجات أسرتك الأساسية، ولما بيحصل تضخم سعر الفايدة على الديون ممكن يرتفع بسرعة وبكدا ممكن تلاقي ديونك تضاعفت حتى لو بتحاول تسددها كل شهر، والدهب بيقدملك الأمان اللي محتاجه عشان تقدر توضب خطة لتسديد الديون ديه من غير ما تخنق أسرتك.
رابعًا، الدهب له طبيعة خاصة بتخليه مختلف عن باقي أوعية الادخار لأنه بطبيعته من الأصول السائلة (Liquid Assets)، يعني سهل تبيعه لو احتجت فلوس أو واجهت أزمة مالية والأهم إن التحويش في دهب بكميات قليلة على فترات طويلة بيخليك تعرف تِسَيل جزء صغير من تحويشتك وقت ما تحتاج بسهولة كبيرة.
خامسًا، معظم خبراء الاقتصاد بينصحوا بالادخار المصغر (micro-saving) وتيسير عشان فاهمة كويس الوضع عملت أول منصة micro-saving أو ادخار مصغر في الدهب بتديك الفرصة إنك تحوش دهب بقيمة تبدأ من 100 جنيه بس وفي نهاية مشوارك لتجميع سبيكتك اللي بتختارها بالوزن اللي يناسبك بتوصلك لحد باب بيتك!